Sérfræðilæknir í lyflækningum krabbameina

Laust er til umsóknar starf sérfræðilæknis í lyflækningum krabbameina. Starfshlutfall er 50-100% og veitist starfið frá 1. janúar 2026 eða eftir samkomulagi.

Starfið felur m.a. í sér teymisvinnu með öðrum starfsstéttum og sérgreinum spítalans. Leitast er við að hafa meðferð sjúklinga þannig að hver sjúklingur sem vísað er til sérgreinarinnar fái ábyrgan sérfræðilækni.

Helstu verkefni og ábyrgð<ul><li>Vinna á legu-, dag- og göngudeild ásamt vaktþjónustu við krabbameinslækningadeild</li><li>Vinna við samráðskvaðningar á aðrar deildir Landspítala og þátttaka í samráðsfundum</li><li>Þátttaka í kennslu og vísindavinnu í samvinnu við yfirlækni</li><li>Þróun á umbótaverkefnum og bættum verkferlum</li><li>Ráðgjöf og þjónusta á sjúkrahúsum á landsbyggðinni er varðar krabbameinssjúklinga</li></ul>

Vinna á legu-, dag- og göngudeild ásamt vaktþjónustu við krabbameinslækningadeild
Vinna við samráðskvaðningar á aðrar deildir Landspítala og þátttaka í samráðsfundum
Þátttaka í kennslu og vísindavinnu í samvinnu við yfirlækni
Þróun á umbótaverkefnum og bættum verkferlum
Ráðgjöf og þjónusta á sjúkrahúsum á landsbyggðinni er varðar krabbameinssjúklinga

Hæfnikröfur<ul><li>Íslenskt sérfræðileyfi í almennum lyflækningum með krabbameinslækningar sem undirsérgrein eða íslenskt sérfræðileyfi í krabbameinslækningum</li><li>Breið þekking og reynsla í krabbameinslækningum</li><li>Reynsla og þekking í meðferð  brjóstakrabbameina er kostur</li><li>Jákvæðni, sveigjanleiki og lipurð í samskiptum</li></ul>

Íslenskt sérfræðileyfi í almennum lyflækningum með krabbameinslækningar sem undirsérgrein eða íslenskt sérfræðileyfi í krabbameinslækningum
Breið þekking og reynsla í krabbameinslækningum
Reynsla og þekking í meðferð brjóstakrabbameina er kostur
Jákvæðni, sveigjanleiki og lipurð í samskiptum

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, Sérfræðilæknir

Tungumálahæfni: íslenska 4/5, enska 4/5

Staðsetning: Hringbraut, 108 Reykjavík

Smelltu hér til að sækja um starfið

Starfshlutfall

50-100%

Umsóknarfrestur til og með

17.11.2025

Nánari upplýsingar

Agnes Smáradóttir, agnessma@landspitali.is, 825-5028

Lyflækningar krabbameina

Hringbraut

101 Reykjavík